Алматы аймақтық көпсалалы клиникасында 2026 жылдың алғашқы алты айындағы клиникалық қызметтің қорытындыларына арналған жұмыс кеңесі өтті.

Кеңеске клиниканың емдеу ісі жөніндегі директор орынбасары, медицина ғылымдарының кандидаты, жоғары санатты дәрігер Бауржан Аджибаев төрағалық етті. Жиынға клиниканың бейінді бөлімшелерінің меңгерушілері қатысты.

Кездесу барысында бірінші жартыжылдықтағы емдеу-диагностикалық жұмыстардың негізгі нәтижелері, құрылымдық бөлімшелердің қызмет көрсеткіштері, медициналық көмектің сапасы және емдеу үдерісін одан әрі жетілдіру мәселелері талқыланды.

Атап айтқанда, паллиативтік терапия, хирургия бөлімдері мен операциялық блоктың жұмысына ерекше назар аударылды. Бөлім меңгерушілері атқарылған жұмыстардың қорытындысын ұсынып, негізгі көрсеткіштер, көрсетілген медициналық көмектің көлемі және алдағы міндеттер туралы баяндады.

Сонымен қатар медициналық көмектің сапасы мен қауіпсіздігін арттыру, пациенттерді бағыттау жүйесін жетілдіру, төсек-орын қорын және операциялық блоктың мүмкіндіктерін тиімді пайдалану, сондай-ақ бөлімшелер арасындағы өзара іс-қимылды күшейту мәселелері қаралды.

Жиын қорытындысы бойынша 2026 жылдың екінші жартыжылдығына арналған басым бағыттар айқындалып, құрылымдық бөлімше басшыларына тиісті тапсырмалар берілді.